سروري محبوب
محبوب سروري
محبوب سروري : ناليوارو شاعر ۽ اديب محبوب سروري، 8 جنوري 1934ع تي ڳوٺ جاڙي پنهور، هوسڙي، ضلعي حيدرآباد ۾ محمد صديق پنهور جي گھر جنم ورتو. هن تي ڇٺيءَ جا نالا محمد بچل ۽ محبوب علي رکيا ويا. شاعريءَ ۾ محبوب نالو ۽ سرور تخلص ڪتب آندائين ۽ اهو ئي نالو عام و خاص ۾ مشهور ٿيو. هن نور محمد هاءِ اسڪول مان مئٽرڪ، سروري اسلاميه ڪاليج هالا مان انٽر ۽ سـنڌ يـونيـورسـٽيءَ مـان بي. اي ۽ ايم اي تائين تعليم حاصل ڪئي. ان کانپوءِڪميشن ڏيئي ليڪچرر مقرر ٿيو ۽ اڳتي هلي طالب الموليٰ اورينٽل ڪاليج هالا جو پرنسپال به رهيو. شاعريءَ ۾ سندس استاد طالب الموليٰ هو. هن جي شاعريءَ ۾ قومي ۽ روايتي رنگ نمايان آهي. سندس شاعريءَ ۾ تغزل، اشاريت، معنويت جھڙيون خوبيون چٽيون نظر اچن ٿيون. سندس ڪلام ۾ محاورن، اصطلاحن جي ڪتب آڻڻ، برجستگي، رواني، جذبن جي فراوانيءَ جي موجودگي کيس عروضي شاعريءَ ۾ اهم درجو عطا ڪن ٿا. اصلاحي تنقيدون، حسن ۽ جمال، نيرنگين جو بيان، وفا ۽ جفا جون حڪايتون، محبوب جي عنايتون ۽ شڪايتون ۽ محبوب جي ثنا سندس شاعريءَ جا اهم موضوع آهن. سندس غزل جي هڪ بند جو نمونو هيٺ ڏجي ٿو: تنهنجا واسينگ مثل وار به سبحان الله، تنهنجي گفتار ۽ رفتار به سبحان الله. هن غزل، قطعي، نظم وغيره جھڙين صنفن تي به طبع آزمائي ڪئي آهي.
لفظ محبوب سروريھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1934.01.08 عيسوي
ناليوارو شاعر ۽ اديب محبوب سروري، 8 جنوري 1934ع تي ڳوٺ جاڙي پنهور، هوسڙي، ضلعي حيدرآباد ۾ محمد صديق پنهور جي گھر جنم ورتو.
شاعر - ڀاڱي جون ٻِيون داخلائون
رمز علي فقيراسد قصه خوان
ڀيرجي ٺڪَر
اميد خيرپوري
صوفي شرف الدين شرف
محبوب سروري
راز ناٿن شاهي
سڄڻ قبولائي
شيلي
امين ٿيٻو